عالمی شہرت یافتہ پاپ اسٹار ریانہ نے اپنے طویل عرصے سے زیر التوا نئے اسٹوڈیو البم آر 9 (R9) کے حوالے سے مداحوں کو ایک نیا اور دلچسپ اشارہ دیا ہے۔ ٹک ٹاک سپر برانڈ ڈے کے دوران اپنی بیوٹی برانڈ کی تشہیر کے موقع پر گلوکارہ نے غیر ریلیز شدہ موسیقی کے بارے میں بات کی۔

اس لائیو سیشن کے دوران جفر روزالیس نے بار گلوکارہ اور کاروباری شخصیت سے پوچھا کہ ان کے پاس اس وقت والٹ میں کتنا غیر ریلیز شدہ میوزک موجود ہے۔ اس سوال کے جواب میں ریانہ نے ہلکا پھلکا انداز اپناتے ہوئے کہا کہ اگر گلاس بام والٹ میں 10 پراڈکٹس ہیں تو میرے پاس کم از کم 17 والٹس ہیں۔

مداحوں نے اس بیان کا فوری حساب لگایا اور اندازہ لگایا کہ اگر ہر والٹ میں 10 گانے ہوں تو 17 والٹس میں تقریبا 170 غیر ریلیز شدہ ٹریکس بنتے ہیں۔ اس انکشاف کے بعد سوشل میڈیا پر تبصروں کا طوفان آ گیا اور مداحوں نے اس بات پر بھی بحث شروع کر دی کہ آیا یہ ڈبل البم ہو سکتا ہے۔

کچھ مداحوں نے حیرت کا اظہار کیا کہ آیا اے ایس اے پی راکی کی شریک حیات کے پاس اتنی موسیقی موجود ہے کہ وہ ایک ڈبل البم جاری کر سکیں۔ ایک اور مداح نے مذاق میں لکھا کہ کیا جب آر 9 ایک ڈبل البم ہو گا جبکہ دیگر نے قریب دو سو گانے ہونے کا تخمینہ لگایا۔

واضح رہے کہ امبریلا کی گلوکارہ نے صریحاً یہ نہیں کہا کہ ان کے پاس 170 غیر ریلیز شدہ گانے موجود ہیں بلکہ یہ تعداد مکمل طور پر مداحوں کی جانب سے کی گئی تشریح پر مبنی ہے۔ تاہم اس مبہم اشارے نے ریانہ کے چاہنے والوں کو یہ سوچنے پر مجبور کر دیا ہے کہ اس طویل انتظار کے بعد آخر کار کیا کچھ سامنے آنے والا ہے۔