ایک شاہی ماہر نے جو محل کے ساتھ قریبی تعلق رکھتی تھیں، اس دل کو چھو لینے والے راز کا انکشاف کیا ہے جو پرنسس ڈیانا شہزادہ ولیم اور شہزادہ ہیری کو بتانا چاہتی تھیں۔ ماہر نے کہا کہ ڈیانا کا ہیری اور ولیم کے خوشگوار لمحات چرانے کا کوئی ارادہ نہیں تھا کیونکہ وہ چاہتی تھیں کہ وہ اپنے والد کے بارے میں ایک بات جانیں۔

انگریڈ نے ایک پوڈ کاسٹ میں بتایا کہ انہوں نے مجھ سے کہا تھا کہ وہ چارلس سے واقعی بہت محبت کرتی تھیں۔ وہ وہی تھے جن سے وہ ہمیشہ محبت کرتی رہیں گی اور وہ ایسے شخص تھے جو ہاتھ سے نکل گئے۔

انہوں نے مزید کہا کہ یہ میرے بچوں کے لیے بہت اہم ہے کہ وہ جانیں کہ ان کے والد مجھ سے محبت کرتے تھے۔ انگریڈ نے اپنی نئی کتاب میں دونوں شاہی شخصیات کی زندگیوں کا موازنہ کیا ہے اور ان خطوط کے کچھ مشمولات کا بھی انکشاف کیا ہے۔

انہوں نے کہا کہ چارلس نے انہیں نہایت خوبصورت محبت بھرے خطوط لکھے جن میں انہوں نے ان کی تعریف کی۔ ماہر کے مطابق چارلس واقعی ان سے محبت کرتے تھے اور وہ اس بات پر شدید گلٹ کا شکار تھے کہ وہ شادی کو کامیاب نہیں بنا سکے۔

مصنف نے بتایا کہ ان کی شدید جلن اور دیگر وجوہات کی بنا پر وہ اس وقت ایک دوسرے کے لیے موزوں نہیں تھے۔ ڈیانا نے یہ بھی بتایا کہ اگر وہ بڑی عمر میں ملتے تو شاید وہ شادی کو کامیاب بنا لیتے اور دنیا فتح کر لیتے، یہی وہ بات تھی جو وہ اکثر کہتی تھیں۔