بالی ووڈ اداکارہ کیارا ایڈوانی نے بدھ کے روز انکشاف کیا کہ وہ اور ان کے شوہر سدھارتھ ملوترہ اپنے دوسرے بچے کی توقع کر رہے ہیں، جس سے ان کے خاندان میں خوشی کی لہر دوڑ گئی ہے۔ فلم ٹوکسک کی اداکارہ، جنہوں نے 7 فروری 2023 کو سدھارتھ کے ساتھ شادی کی تھی، نے انسٹاگرام کا رخ کیا اور اپنی بیٹی سرایہ کا ایک پیارا سا ہاتھ شیئر کیا جس میں بچوں کے دو جرابے پکڑے ہوئے ہیں۔

انہوں نے پوسٹ کے کیپشن میں لکھا کہ سب سے بڑے تحفے کے ساتھ ایک بار پھر سے رحمت ملی ہے، ہمارے دل محبت اور شکر گزاری سے بھرے ہوئے ہیں۔ انہوں نے اس پرجوش لمحے کو اپنے فالوورز کے ساتھ شیئر کیا اور نامور شخصیات کی جانب سے مبارکبادیں موصول ہوئیں۔

کریشمہ کپور نے مبارکباد لکھی جبکہ کرن جوہر نے دونوں کے لیے محبت کا اظہار کیا۔ میرا کپور، منیش ملوترہ، گوہر خان، کرینہ کپور خان اور نیہا دھوپیا نے بھی جوڑے کے لیے اپنی خوشی اور دعاؤں کا اظہار کیا۔

یاد رہے کہ اس جوڑے نے راجستھان کے شہر جیسلمیر میں ایک روایتی تقریب میں شادی کی تھی۔ سدھارتھ اور کیارا نے گزشتہ سال جولائی میں اپنی بیٹی کا استقبال کیا تھا اور اب ان کے ہاں دوسرے بچے کی آمد متوقع ہے۔